Hyland: Kosova është vendi i 51’të i ShBA,  dekorata ‘Ibrahim Rugova’ dhuratë nga Zoti

14:21 | 24 Maj 2022

“Nganjëherë mendoj se Kosova është vendi i 51 i Shteteve të Bashkuara të Amerikës”, është shprehur Christopher Hyland, para takimit me presidenten Osmani.

Para kamerës së portalit arbresh.info Hyland e vlerësoi lartë dekoratën që i ndau presidentja, Vjosa Osmani me Urdhrin dr. ‘Ibrahim Rugova’.

“Të nderohem me Urdhrin Ibrahim Rugova, për mua është dhuratë nga Zoti”, deklaroi Hyland në hollin e Kuvendit.

Ai ka vlerësuar lartë kontributin e Rugovës dhe diasporës shqiptare pas marrjes së dekoratës nga presidentja Osmani.

“Këta njerëz e meritojnë këtë dekoratë më shumë se unë”, deklaroi Hyland.

Në Kosovë, po qëndrojnë biznesmenë shqiptarë të diasporës, për të parë investimet e deritanishme dhe mundësitë për bashkëpunim me prodhues vendor./arbresh.info/

Shpërndaje në rrjete sociale