Ministrja e Financave, Hykmete Bajrami, është shëruar nga COVID-19.

Lajmi është bërë i ditur nga vetë ajo, përmes një njoftimi në rrjete sociale.

Bajrami i ka falenderuar të gjithë mjekët që janë kujdesur për të.

Gjithashtu, ajo ka shprehur falenderim për secilin deputet dhe deputete që do ta votojnë sot Ligjin për Rimëkëmbje Ekonomike.

“Jam shëruar nga COVID-19. Kam pasur disa probleme shëndetësore dhe jam trajtuar nga mjekët e jashtëzakonshëm të Klinikës Infektive. I falënderoj gjithë mjekët që janë kujdesur për mua dhe që kujdesen për çdo ditë për qytetarët e Republikës.
Sot do të vazhdoj aktivitetin politik. Do të jem në seancën ku do të votohet Projektligji për Rimëkëmbje Ekonomike. Ligjet me rëndësi për jetën e gjithë qytetarëve duhet të na bashkojnë të gjithëve. E falënderoj secilën deputete dhe secilin deputet për votën që do ta japin sot”, ka shkruar Bajrami./arbresh.info/