Hoti: S’kemi vendim për të votuar Veselin për kryeparlamentar

16:23 | 10 Korrik 2017

Lidhja Demokratike e Kosovës, ende nuk ka vendosur nëse do ta votojë kandidatin e PAN-it për kryeparlamentar, që në këtë rast është Kadri Veseli.

Kandidati për kryeministër nga koalicioni LAA, Avdullah Hoti, pas mbledhjes së Grupit Parlamentar të LDK-së, ka thënë se janë të bashkuar kundër koalicionin PAN dhe se asnjë deputet nga ta nuk do ta votojë Haradinajn për Kryeministër.

“Zyrtarët e këtij koalicioni po mundohen t’i ofrojnë qytetarëve qeveri të kontrabanduar. 29 deputetët e koalicionit nuk do të kontrabandohen nga PAN. Qytetarët i kanë votuar për këtë koalicion dhe se këtë ata shumë mirë e dinë. Koalicioni LAA qëndron prapa marrëveshjes që kanë arritur si koalicion. Këto takime janë mbajtur për t’u marr vesh për pjesëmarrjen në seancën konstituive të Kuvendit”, ka thënë Hoti.

Shpërndaje në rrjete sociale