Deputeti i Lidhjes Demokratike të Kosovës (LDK), Avdullah Hoti ka njoftuar se ka shtruar disa pyetje parlamentare për përgjigje me shkrim lidhur me marrëveshjen mes KEDS-it dhe Elektroserverit.

Me anë të një postimi në Facebook, Hoti bërë të ditur pyetjet e parashtruara, shkruan Arbresh.info.

“ Kur është nënshkruar marrëveshja mes KEDS-it dhe Elektroserverit? Ju lutem të dërgoni kopjen e kësaj kontrate. A është regjistruar Elektroserver si kompani sipas ligjeve të Kosovës? Ju lutem të dërgoni regjistrimin biznesor të Elektroserverit. A ka marrë Elektroserver licencë nga ZRRE për operim? A mund të cekni numrin e licencës?”, janë pyetjet për të cilat Hoti ka kërkuar përgjigje.

Sipas tij, kjo marrëveshje nuk është bërë publike dhe ka shumë konfuzione lidhur me mënyrën e marrëveshjes.

Hoti shton se sipas raportimit të ZRRE-së në Komisionin për Buxhet, Financa dhe Transfere, Qeveria e Kosovës ka pagur 113 mil euro për energjinë e shpenzuar në komunat në veri në vitin 2021 dhe 2022.

“A qëndron ende deklarata e Kryeminstrit Kurti se: Elektroserveri nuk duhet të pranohet kurrsesi; nëse KEDS-i nuk i mbledh faturat në veri, atëherë shpërndarja edhe furnizimi duhet të kthehet në pronë publike; nëse këtë nuk e bën KEDS-i duhet ta bëjë Qeveria?!”, pyeti Hoti.

Kujtojmë që të shtunën (9 dhejtor), KEDS ka njoftuar se sot është nënshkruar kontrata me Elektrosever, e cila ka për qëllim normalizimin e shpërndarjes dhe furnizimit me energji elektrike në komunat Zubin Potok, Leposaviq, Zveçan dhe Mitrovicë Veriore./Arbresh.info/

LEXO EDHE:

KEDS e quan moment historik nënshkrimin e kontratës me Elektroseverin