Hekuran Murati: Komuna e Prishtinës bllokoi pagesat edhe pasi Thesari miratoi kërkesën për alokim të parakohshëm

18:57 | 24 Nëntor 2025
H.E

Ministri në detyrë i Financave, Hekuran Murati, ka thënë Komuna e Prishtinës nuk i ka kryer pagesat të premten ndaj Trafikut Urban dhe operatorëve të tjerë, ani se Thesari ua kishte pranuar kërkesën për alokim të parakohshëm.

“Të premten pas kërkesës nga Komuna e Prishtinës në ora 1:08, Thesari i Kosovës ka pranuar kërkesë nga Komuna e Prishtinës për t’i mundësuar alokimin e parakohshëm të mjeteve të dhjetorit në mënyrë që paguhen disa fatura tani. Kjo gjë është bërë në ora 2:30, pra Thesari ka miratuar alokimin e parakohshëm, megjithatë nuk ka ndodhur asnjë pagesë deri në mbylljen e orarit nga Komuna e Prishtinës”, tha Murati.

“Plani kishte qenë që të bëhet betejë politike. Edhe sot deri në ora 12:00 edhe pse kishte grevë, Komuna e Prishtinës nuk ua kishte bërë asnjë pagesë të vetme operatorëve”, tha Murati në një konferencë për media./Arbresh.info