Haxhiu: Vaj halli për atë qeveri që krijohet përmes pazareve e shantazheve

13:20 | 22 Korrik 2017
M. A.

Albulena Haxhiu e Vetëvendosjes është përfshirë në debatin për kontrabandim të deputetëve të LDK’së në PAN. Ka thënë se Qeveria e re po krijohet përmes pazareve e shantazheve si dhe do të kushtëzohet me votat e Listës Srpska.

Fjala më e shpeshtë e politikanëve të Kosovës, këtyre ditëve, është kontrabanda. Fjalë është për transferet e deputetëve nga një krah në krahun tjetër.

Në këtë debat është përfshirë edhe deputetja e Vetëvendosjes, Albulena Haxhiu.

Ajo ka thënë se në krejt këtë situatë, Qeveria e re do të jetë e kushtëzuar nga Lista Sprksa.

“Kjo çfarë po ndodhë nuk është politikë, këtu s’ ka as parime. Ka vetem pazare të pista që po i bëjnë për pushtet e karrige! Vaj halli për atë Qeveri që krijohet përmes pazareve e shantazheve dhe e cila kushtëzohet nga votat e Listes serbe!”, ka shkruar Haxhiu, në FB./Arbresh.info