Haradinaj publikon pamje nga një librari në Pejë, qytetarët presin radhën për blerjen e teksteve shkollore

12:50 | 3 Shtator 2023
E.H

Kryetari i Aleancës për Ardhmërinë e Kosovës (AAK), Ramush Haradinaj ka publikuar një video të një librarie në Pejë, ku shihen qytetarë të shumtë duke pritur në radhë për të blerë tekstet shkollore për fëmijët e tyre.

Këtë video Haradinaj e ka publikuar në rrjetin social Facebook, dhe sipër videos ka shkruar: “Në një librari në Pejë. Pa koment”.

Ndryshe, këtë vit Ministria e Arsimit ka ndryshuar formën e furnizimit të nxënësve me tekstet shkollore.

Përmes platformës ‘eKosova’ prindërit mund të aplikojnë për subvencionimin me nga 80 euro nga MASHTI në mënyrë që ti blejnë vet ata tekstet shkollore për fëmijët e tyre.

Kjo formë e re ka ngjallur reagime dhe pakënaqësi të shumta.

Ministrja e Arsimit, Arbërie Nagavci kishte njoftuar se kanë pranuar mbi 80 mijë aplikime. /Arbresh.info/