Mbrëmë rreth orës 21:00 një veturë e Policisë ka rënë në lumin Lepenc. Dy policët që ishin brenda veturës ende nuk janë gjetur.

Kërkimet për ta janë duke vazhduar nga njësitet e zjarrfikësve dhe të FSK-së.

Edhe kryeministri i vendit, Ramush Haradinaj është shprehur i pikëlluar me këtë ngjarje.

Haradinaj në facebook ka shkruar se policët në vend kujdesen me sakrificë për sigurinë e qytetarëve.

“Është shumë pikëllues lajmi për zhdukjen e dy policëve të Kosovës në lumin Lepenc. Ndajë shqetësimin me familjarë dhe miq në këtë fazë shumë të vështirë të shpresës dhe frikës për fatin e policëve tonë. Ngjarjet si kjo na bëjnë të mos harrojmë kurrë se policia e Kosovës është ajo që me shumë mund dhe shpesh dhe sakrificë kujdeset që ne të jetojmë në ambient të sigurtë. Falënderoj të gjitha njësitë relevante, Policinë e Kosovës, FSK-në, zjarrëfikësit dhe të gjithë të përfshirët në kërkim të dy policëve tanë”, ka shkruar Haradinaj në facebook.

Ndryshe ende nuk janë sqaruar rrethanat e aksidentit.