Hamza uron 17-vjetorin e Pavarësisë: Ata që vunë themelet e lirisë, vazhdojnë ta paguajnë çmimin e tyre

13:28 | 17 Shkurt 2025
E.G

Kandidati për kryeministër nga PDK, Bedri Hamza ka 17 vjetorin e Pavarësisë së Kosovës.

Me anë të një postimi në Facebook, ai tha se në këtë përvjetor i nderojmë ata që sakrifikuan, që luftuan dhe pareshtur u angazhuan për ta bërë Kosovën shtet të pavarur dhe demokratik, shkruan Arbresh.info.

“I nderojmë ata që lirisë e pavarësisë ia vunë themelet dhe sot të privuar, shumë larg Kosovës, vazhdojnë ta paguajnë çmimin e tyre.”, ka shkruar ai.

Hamza tha se me krenari dhe të palëkundur po e ndërtojmë një Kosovë, ku liria, barazia dhe drejtësia e forcojnë shtetin dhe shoqërinë.

“Në zemrat dhe mendjet e qytetarëve është ëndrra e madhe për Kosovën. Në zemrat dhe mendjet e qytetarëve është forca e popullit tonë. KOSOVË, e gëzofsh ditëlindjen e 17-të! Qytetarë krenarë, qëndroni të bashkuar dhe me shpresë!”, ka shkruar mes të tjerash ai./Arbresh.info/