Gucati e Haradinaj nuk po marrin pjesë në seancë përgatitore

11:37 | 1 Shtator 2021
S D

Hysni Gucati dhe Nasim Haradinaj, nuk janë pjesë në seancën e parë përgatitore që po mbahet sot.

Kryetari i trupit gjykues, Charles L Smith III, bëri të ditur se dy të lartpërmendurit kanë hequr dorë për të marr pjesë në seancë.

Gucati, së bashku me Haradinajn, po akuzohen për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.

Ish-krerët e Organizatës së Veteranëve të Luftës, ngarkohen se kanë bërë komente nënçmuese kundër dëshmitarëve të mundshëm dhe në mënyrë të përsëritur shprehen synimin e tyre për të dëmtuar punën e Dhomave të Specializuara./arbresh.info/