Policia Rajonale e Ferizajt ka bërë të ditur se ka marrë mbi 50 urdhëresa nga Gjykata Themelore për persona që ende nuk i janë përgjigjur thirrjes së gjykatës.

Policia ka vazhduar me aktivitetet e saja sipas planit operativ, realizimi i urdhëresave të Gjykatave Themelore.

“Në kuadër të këtij aktiviteti, gjatë javës që shkoi nga data 06-12/03/2023 janë realizuar 53 urdhëresa të gjykatave kompetente për vepra të ndryshme penale. Policia Rajonale e Ferizajt do të vazhdojë edhe në ditët në vijim me realizimin e urdhëresave ndaj personave që ende nuk i janë përgjigjur thirrjes së gjykatës”, thuhet në njoftimin e policisë, raporton “Arbresh.info.

Policia u ka bërë thirrje qytetarëve që të bashkëpunojnë rreth informacioneve për këto raste.

“Ftojmë qytetarët të bashkëpunojnë me policinë, nëse kanë informacione për personat që janë të kërkuar nga organet e rendit, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406. Të dhënat e juaja do të ruhen në konfidencialitet të plotë”, thuhet në njoftim./Arbresh.info/