Gjuriq: Formimi i Forcave të Armatosura të Kosovës nuk do të ndodh

09:25 | 9 Mars 2017

Shefi i Zyrës për Kosovën në Qeverinë e Serbisë, Marko Gjuriq ka deklaruar se formimi i Forcave të Armatosura të Kosovës i nisur nga presidenti Hashim Thaçi nuk do të ndodh.

Gjuriq ka thënë se ky do të jetë një sukses i radhës diplomatik i shtetit serb, transmeton arbresh.info.

Ai ka shtuar se Beogradi do të vazhdojë të luftojë kundër formimit të ushtrisë së Kosovës, sepse ajo përbën siç ka thënë, një kërcënim dhe rrezik për paqen dhe stabilitetin në të gjithë rajonin, si dhe popullsinë paarmatosur serbe.

“Është e qartë se ajo për të cilën Thaçi njoftoi për sot, pra deklarata për formimit e të ashtuquajturës Ushtria e Kosovës nuk do të ndodhë”, është shprehur Gjuriq./Arbresh.info.

Shpërndaje në rrjete sociale

Lajmet më të lexuara