Gjuan me armë zjarr drejt viktimës, arrestohet prizrenasi

10:34 | 29 Korrik 2022
E.H

Është arrestuar një person në Prizren pasi ka gjuajtur me armë zjarri drejt viktimës por nuk e ka qëlluar, raporton Policia e Kosovës.

Sipas Policisë, në vendin e ngjarjes janë gjetur dhe sekuestruar një gëzhojë, ndërsa nga i dyshuari është sekuestruar pistoleta që dyshohet se e kishte përdorur në rast.

Me vendim të prokurorit, i dyshuari është dërguar në mbajtje.

“Prizren 28.07.2022 – 16:15. Është arrestuar i dyshuari mashkull kosovar pasi i njëjti kishte gjuajtur me armë zjarri në drejtim të viktimës mashkull kosovar por nuk e kishte qelluar. Njësitë policore në vendin e ngjarjes kanë gjetur dhe sekuestruar një gëzhojë, ndërsa nga i dyshuari e kanë sekuestruar pistoletën e cila dyshohet se ishte përdorur në rast. Pas intervistimit, i dyshuari me vendim të prokurorit është dërguar në mbajtje ndërsa rasti në procedurë hetimore”, thuhet në raportin e PK./arbresh.info/