Një person është gjetur pa shenja jete në Graqanicë.

Lidhur me rastin janë bastisur dy lokacione ku në njërin janë sekuestruar disa dokumente.

Po ashtu janë arrestaur dy të dyshaur dhe pas intervistimit me vendim të prokurorit janë dërguar në mbajtje.

Ndërsa i dyshuari i tretë është në kërkim policor.

“TRUP I PAJETË/ VDEKJE E DYSHIMT&SHTYTJE NË VETVRASJE

Graqanicë / 14.05.2024-07:00. Një mashkull kosovar, ka raportuar se ka vërejtur një person që dyshohet pa shenja jete. Njësitet relevante policore dhe ekipi mjekësor kanë dalur në vendin e ngjarjes ku është konstatuar vdekja e viktimës mashkull kosovar.  Me vendim të prokurorit trupi i pajetë i viktimës është dërguar në IML për obduksion. Lidhur me rastin në koordinim me prokurorin dhe me urdhër të gjyqtarit është bërë bastisja në dy lokacione të ndryshme, ku në shtëpinë e të dyshuarit mashkull kosovar gjatë kontrollit janë gjetur dhe sekuestruar disa dokumente, ndërsa në lokacionin e dytë në shtëpinë e dy të dyshuarëve meshkuj kosovarë nuk është gjetur asgjë e dyshimtë që ndërlidhet me rastin. Dy të dyshuarit janë arrestuar dhe pas intervistimit me vendim të prokurorit janë dërguar në mbajtje, ndërsa i dyshuari i tretë pasiqe nuk është hasur në shtepi gjendet në kërkim policor.”, thuhet në raportin 24 orësh të policisë./Arbresh.info/