Në kuadër të takimeve të zhvilluara në Këshillin e Evropës në Strasburg, Ministrja e Punëve të Jashtme dhe Diasporës, Donika Gërvalla ka takuar deputetin kroat, kryesuesin e grupit të partive popullore në Asamblenë Parlamentare të Këshillit të Evropës, Davor Ivo Stier.

Gërvalla ka shprehur mirënjohje ndaj deputetit kroat për kontributin e madh të grupit të partive popullore, përkatësisht delegacionit kroat në mbështetjen në anëtarësimin e Kosovës në Këshillin e Evropës, shkruan Arbresh.info.

“Mbështetja e palëkundur e Stier dhe delegacionit kroat ka qenë vendimtare në arritjen e një shumicë të jashtëzakonshme prej 82% të votave në Asamblenë Parlamentare të Këshillit të Evropës,” tha Gërvalla.

Ajo gjithashtu theksoi rëndësinë e bashkëpunimit të vazhdueshëm me grupet politike dhe Komitetin e Ministrave për finalizimin e procesit të anëtarësimit të Republikës së Kosovës në Këshillin e Evropës./Arbresh.info/