Deputetja, Ganimete Musliu, ka shprehur keqardhje për mos mundësinë që ish-komandanti i Ushtrisë Çlirimtare të Kosovës, Sylejman Selimi, nuk do të mund të jetë i pranishëm në seancën e nesërme për ushtrinë.

“Uroj që me dinjitet, festë e gëzim të festojmë së bashku. Shprehë keqardhje që ish-komandanti i përgjithshëm, Sylejman Selimi, nuk do të jetë nesër me neve,” është shprehur Musliu.

Ajo ka vlerësuar lart kontributin e deputetëve të minoriteteve jo serbe, për përkrahjen që po shprehin në këtë fazë transformimit të Forcës së Sigurisë së Kosovës në ushtri.

“Po i hyjmë në hak minoriteteve jo serbe të Kosovës, ato vazhdimisht e kanë mbështetë mandatin e ri të Forcës së Sigurisë së Kosovës.  Ata kanë qenë bashkëpunues në komisione dhe seanca plenare,” shprehet Musliu.

Sipas saj, ky proces do të ketë ndikim në rrafshin vendorë dhe rajonal.

“Fuqizimi i shtetëndërtimi i ngritjes së kapaciteteve në fushën e mbrojtjes e kompleton shtetësinë e Kosovës. Komisioni Pralamensar për Siguri do të marrë emrin Komisioni për Mbrojtje dhe Siguri. Në asnjë rrethanë nuk e kemi paraqitur si një ushtri që don t’i shpallë luftë dikujt. I uroj të gjithë qytetarët për këtë moment historik,” deklaron deputetja Musliu.

Këto komente ajo i ka bërë në debatin “Transformimi i FSK-së, ndikimi në sigurinë kombëtare dhe rajonale” të organizuar nga Kosova Youth Atlantic Treaty Asocation./arbresh.info/