Në vazhdën e aktiviteteve të shumta që po zhvillohen nga Forumi i Gruas – AKR, e udhëhequr nga Kryetarja Mirlindë Gashi dhe në bashkëpunim me Kryetaren Valmira Kabashi (Forum i Guas AKR, Rahovec) sot vazhduan vizitat në Shoqatën OJQ ‘Hareja’ në krye me drejtoreshën Adelina Paqarizi.

Takimet vijuan edhe tek ndërmarrësja Zonja Zejnije Dellova ku më pastaj u përmbyllën me një takim shumë motivues, inspirues që u bë tek Korporata ‘KRUSHA E MADHE’ e udhëhequr nga Zonja Fahrije Hoti.

Forumi i Gruas AKR, u njoftua me problemet, hallet dhe brengat që çdo ditë, shoqata, ndërmarrje dhe korporata të ndryshme ballafaqohen në Kosovë!

U ri-theksua mungesa e përkrahjes së institucioneve qendrore dhe lokale.

Për këtë, Forumi i Gruas do të mbetet besnike e fjalës dhe punës që në të ardhmen Kosova të zhvillohet ekonomikisht si bazë e shëndetshme për jetë më të mirë!

Arsimimi, emancipimi dhe ngritja e gruas në shoqërin Kosovare do të thotë se investohet në të ardhmen më të mirë të vendit dhe të fëmijëve të Kosovës./Arbresh.info