Djali i vetëm i shtëpisë, Rinor Sejdiu nga Runiku i Skënderajt, është diagnostikuar me Non Hodkings Limfoma, një lloj i kancerit ky, që shfaqet në gjëndrat limfatike.

Gjendja e të riut sipas familjarëve ka filluar të përkeqësohet së fundmi, pasi tani gjëndrat kancerogjene kanë filluar t’i përhapen edhe brenda organizmit.

Shërimi i këtij 14 vjeqari mund të bëhet vetëm jashtë Kosovës.

Por, trajtimi jashtë vendit i kushton shumë para, mjete këto të cilat nuk i ka familja Sejdiu.

Përveç nga vullnetmirët, Sejdiu kërkoi ndihmë edhe në ministrinë e shëndetësisë.

Të kontaktuar nga Klan Kosova, zyrtarë e këtij institucioni thanë se e kanë trajtuar rastin me seriozitetin më të madh, duke kontaktuar kështu me njërën prej klinikave më të njohura për trajtimin e sëmundjeve malinje.

Ndërsa ata që duan ta ndihmojnë shërimin Rinorit, këtë mund ta bëjnë edhe duke thirrur në numrin 552 44, nga operatori mobil i Valas.