Fahri Fazliu i ri bashkë me djalin e Salih Mustafës vizitojnë Nasim Haradinajn në Gllogjan

20:23 | 17 Dhjetor 2023
E.G

Fahri Fazliu i ri, nipi i dy heronjëve të kombit, Fahri e Basri Fazliu ka shkuar në Gllogjan ku është takuar me Nasim Haradinajn me rastin e lirimit të tij nga Haga.

Me anë të një postimi në Facebook, Fazliu u shpreh se presin që të gjithë çlirimtarët të kthehen sa më parë në familjet e tyre, shkruan Arbresh.info.

Në këtë vizitë ai ishte i shoqëruar Skifter Mustafa, djali i Sali Mustafës.

“Në Gllogjan te Nasim Haradinaj së bashku me Skifterin, djalin e Salih Mustafës – Calit – Komandantit të UÇK-së! Presim që të gjithë Çlirimtarët të kthehen sa më parë në familjet e tyre. LIRIA KA EMËR UÇK!”, ka shkruar ai.

Kujtojmë që, Nasim Haradinaj u lirua më 14 dhjetor me vendim të kryetares së Dhomave të Specializuara të Kosovës (DHSK), gjykatëse Ekaterina Trendafilova për modifikimin e dënimit të tij.

Sipas vendimit të Gjykatës, lirimi i Haradinajt bazohet në disa kushte.

Disa prej këtyre kushteve është edhe paraqitja çdo javë në stacionin e policisë dhe të mos kontaktimi me dëshmitarë ose viktima./Arbresh.info/