“Vendimi i Izraeli për të hequr detektorët metalikë nga xhamia Al Asqa është hap i duhur, por i pamjaftueshëm’, ka deklaruar Presidenti i Turqisë, Recep Tayyip Erdogan.

Ai ka shtuar se Izraeli është duke u përpjekur të dëmtojë karakterin islamik të Jerusalemit me praktika të reja, duke përfituar nga dobësia e momentit të myslimanëve, transmeton portali arbresh.info

Erdogan këto komente i bëri gjatë një eventi në të cilin diskutohej për arsimin e lartë në botën islame.

“Ata që kritikojnë vendin tonë,  papritmas bëhen të heshtur kur vjen fjala të Palestina, Jerusalemi, ose te të drejtat dhe ligjet e myslimanëve”, shtoi ai.

Ai i bëri thirrje Izraelit që të angazhohet në  respektimin e të drejtave të njeriut dhe konventave të Jerusalemit.

Erdogan tha gjithashtu se Izraeli duhet të shmangë politikat që e vendosin rajonin në “një dhomë të zjarrit” dhe të ndalojë kërcënimin e të tjerëve nëse dëshiron “të jetojë në paqe në këtë botë”.

Presidenti turk tha se xhamia al-Asqa është një simbol i paqes dhe duhet të vazhdojë të qëndrojë i tillë në kohën kur myslimanët po përballen me shkatërrim në Siri dhe Irak./Arbresh.info