Aleanca Kosova e Re pret që Nisma dhe kandidati për kryetar Isa Xhemajlaj ta shpallë fitoren në komunën e Drenasit.

Ish-kandidati për kryetar nga radhët ë AKR-së, Elmi Thaçi në një prononcim për “Indeksonline” ka akuzuar PDK-në për, siç thotë ai, presionin ndaj qytetarëve.

“Presim që koalicioni të shpallë fitoren në mbrëmje. Ka disa eksese, PDK është duke bërë presion mbi qytetarët. Çdo kryq, lagje, rrugë i ke nga dy-tre të tyre, ta merr mendja që janë në pozicione si të jenë në lift”, ka thënë ai.

Më tej, Thaçi thotë se fitorja e tyre do të vuloset pasi edhe në zgjedhjet e kaluara kishin mposhtur partinë në të cilën po garon Ramiz Lladrovci.

“Besojmë se do të fitojmë sonte, ashtu siç ndodhi me 4 dhjetor ku 55% votuan për ndryshimin”, është shprehur ai.