Zëvendëskryeministri në detyrë, Driton Selmanaj, priti në takim ambasadorin e Mbretërisë së Bashkuar në Republikën e Kosovës, Nicholas Abbott.

“Zëvendëskryeministri në detyrë z. Driton Selmanaj informoi Ambasadorin Abbott mbi zhvillimet e fundit politike në vend si dhe përgatitjet për zgjedhjet për Kuvend të Kosovës. Ambasadori Abbott theksoi se Mbretëria e Bashkuar do të vazhdojë të jetë partner për Republikën e Kosovës në procesin e fuqizimit të sundimit të ligjit dhe rritjes së llogaridhënies” bëhet e ditur përmes një komunikate për medie.

Aty thuhet se zëvendëskryeministri në detyrë Selmanaj, po ashtu njoftoi ambasadorin Abbott se përkundër procesit elektoral i cili është duke u zhvilluar, Qeveria në detyrë mbetet e përkushtuar për të zbatuar programin e saj në përputhje të plotë me obligimet ligjore si dhe kushtetuese.

Abbott ka qenë kritik i ashpër i tubimeve elektorale që po mbahen nga partitë politike në kohë pandemie./arbresh.info/