Drejtori i Policisë: Sot janë sulmuar drejtpërdrejtë patrullat kufitare, nga 13 prilli katër sulme

10:24 | 15 Prill 2022
arbresh.info

Drejtori i Përgjithshëm i Policisë së Kosovës, Samedin Mehmeti, thotë se janë sulmuar dy patrulla kufitare mëngjesin e sotëm.

“Sot janë sulmuar drejtpërdrejtë patrullat kufitare, dhe falë automjeteve të blinduara policët nuk janë lënduar”, deklaroi Mehmeti në një konferencë për medie.

Sipas tij, prej datës 13 prill kanë ndodhur katër sulme ndaj policisë në një territor ku janë shumë afër njëra tjetrës.

“Kjo tregon se ka për qëllim të pengojë aksionet e Policisë së Kosovës që kanë të bëjnë me luftën ndaj kontrabandës”, deklaroi ai.

Më 13 prill në Zubin Potok, policia ka hasur në iriqa gjembor metalik.

“Më saktësisht bëhet fjalë për 46 iriq të vendosur në mes të rrugës. Në orën 08:00, në kohën kur ndërrohet patrullat në pikat kufitare. Një njësi tjetër, është sulmuar me gurë automjeti i patrollës kufitare”, deklaroi Mehmeti./arbresh.info/