Diaspora shqiptare në ShBA organizon pritje speciale për ministrin Mehaj

14:32 | 17 Tetor 2021

Ministri i Mbrojtjes, Armend Mehaj është duke qëndruar në Shtetet e Bashkuara të Amerikës për vizitë zyrtare.

Mehaj është pritur edhe nga Shoqata e parë shqiptare në SHBA – Federata Panshqiptare “Vatra” në New York, transmeton arbresh.info

Udhëheqësi i kësaj federate, Elmi Berisha ka falënderuar ministrin Mehaj për vizitën, duke potencuar faktin se është vizita e parë e ministrit të Mbrojtjes së Kosovës në SHBA.

Kjo vizitë është parë si një mundësi shumë e mirë për të rritur komunikimin dhe ndërveprimin me diasporën shqiptare.

Ndër të tjera Mehaj falënderoi shqiptarët e Amerikës për kontributin në kauzën kombëtare, si dhe siguroi se do të kenë bashkëpunim për realizimin e vizionit dhe synimeve të përbashkëta kombëtare.

Njoftimi i plotë:

Pas vizitave në Departamentin Amerikan të Mbrojtjes dhe Departamentin e Shtetit, Ministri i Mbrojtjes, Armend Mehaj ka vazhduar takimet me diasporën shqiptaro-amerikane, duke filluar me vizitën në Shoqatën e parë Shqiptare në SHBA, respektivisht Federatën Panshqiptare “Vatra” në New York.

Me këtë rast, udhëheqësi i Federatës, z. Elmi Berisha, ka shprehur falënderimet më të larta për vizitën e pare të Ministrit të Mbrojtjes së Republikës së Kosovës në SHBA, si mundësi e shkëlqyeshme për të rritur komunikimin dhe ndërveprimin me diasporën shqiptare.

Ky komunikimi do të mundësoj ruajtjen e fuqishme dhe shumë të nevojshme të lidhjes me Atdheun , si dhe për të vlerësuar mundësitë për ofrimin e kontributit edhe më të madh në politikat zhvillimore si dhe përfshirjen në proceset e rëndësishme të forcimit të rolit të Republikës së Kosovës në aspektin ndërkombëtar.

Nga ana e tij, Ministri Mehaj, falënderoi dhe shprehu mirënjohjen e lartë për rolin dhe kontributin e jashtëzakonshëm të komunitetit shqiptaro-amerikan në kauzën kombëtare të përpjekjeve në luftën për liri, çlirimin, pavarësinë si dhe ndërtimin dhe forcimin e shtetit tonë.

Ai përveç që njoftoi ata me rezultatet e takimeve paraprake në nivelet më të larta shtetërore vendimmarrëse amerikane, siguroi ata se do të jenë në bashkëpunim dhe koordinim të ngushtë për realizimin e vizionit dhe synimeve të përbashkëta kombëtare, posaçërisht në forcimin e mekanizmave të sigurisë dhe mbrojtjes dhe atyre ekonomik

Të pranishmit shprehën interesimin shumë të lartë me pyetjet e tyre adresuar ministrit Mehaj duke shprehur emocionet dhe potencuar fuqishëm vizitën e Ministrit të parë të Mbrojtjes së Republikës së Kosovës, si ngjarje e jashtëzakonshme për vendin dhe kombin në përgjithësi./arbresh.info/

Lajmet më të lexuara