Daçiq: Lufta për Kosovën ka qenë dhe do të jetë prioritet i diplomacisë

13:46 | 26 Prill 2023
E.H

Ministri i Punëve të Jashtme i Serbisë, Ivica Daçiq, ka theksuar se lufta për Kosovën ka qenë segmenti më i rëndësishëm i punës së departamentit të tij në gjashtë muajt e parë dhe se kështu do të vazhdojë edhe në të ardhmen.

“Çdo ministri, secili prej nesh anëtarët e qeverisë, e ka Kosovën në radhë të parë të angazhimit të saj, sepse është pa barazi çështja jonë më e rëndësishme shtetërore. Kosova është çështje e brendshme e jona. Cenimi i sovranitetit dhe integritetit tonë territorial është gjëja më e vështirë që mund t’i ndodhë çdo vendi dhe ka të bëjë shumë me faktorë të jashtëm”, tha Daçiq për Tanjug, transmeton Arbresh.info.

Ai e përmendi sërish Marrëveshjen e Brukselit. Sipas tij kanë kaluar 10 vjet nga miratimi i saj dhe se ende nuk është formuar Asociacioni I komunave me shumicë serbe.