Çollaku: Thaçi president, fakt i kryer

20:06 | 5 Shkurt 2016
M. A.

Në Info Magazine të Klan Kosovës të premten, për të diskutuar për rrugën e Kosovës drejt liberalizimit të vizave dhe daljne nga kriza politike, i ftuar ishte ministri i Integrimeve Europiane Bekim Çollaku.

Por ministri ka folur edhe për procesin e zgjedhjes së presidentit të vendit, duke shprehur bindjen e tij se Hashim Thaçi e ka mbështetjen, por edhe bagazhin për të qenë ai i pari i shtetit, njofton Klan Kosova.

“Zgjedhja e Hashim Thaçit president i vendit është fakt i kryer. Më në fund Kosova për president do ta ketë një figurë që peshon rëndë”.

“Edhe Lidhja Demokratike e Kosovës e përkrahë Thaçin për president, veç dy tre individëve – si edhe Lista Serbe”.

“Ndërkombëtarët nuk ndërhyjnë në zgjedhjen e presidentit të vendit. Por edhe nga ana jonë do të ishte e turpshme që kurdo që kemi probleme të drejtohemi nga ata për të gjetur zgjidhje”.