Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, priti në takim Drejtorin e Përgjithshëm për Ballkan në Ministrinë e Punëve të Jashtme të Turqisë, Ambasadorin Ilhan Saygili, i shoqëruar nga ambasadori i Turqisë në Kosovë, Sabri Tunç Angili.
Palët diskutuan mbi thellimin e raporteve mes dy vendeve tona dhe mundësitë e zgjerimit të mëtejmë të bashkëpunimit bilateral, në fusha të ndryshme me interes të përbashkët.
Potencial të madh shfaqin rritja e shkëmbimeve tregtare, shtimi i investimeve nga bizneset e Turqisë, por edhe organizimi i aktiviteteve të përbashkëta.
‘U shpreh mirënjohja e thellë dhe falënderimi për ndihmën dhe solidaritetin e ardhur nga Republika e Kosovës dhe dërgimit të ekipeve të shpëtimit në rastin e tërmetit të fuqishëm që goditi Turqinë, për të cilën u tha se është vlerësuar lartësisht”, thuhet në komunikatën për media nga Zyra e Kryeministrit, përcjell arbresh.info.
Duke i uruar qëndrim të frytshëm dhe produktiv në Kosovë, zëvendëskryeministri Bislimi e falënderoi Saygili për takimin, bisedën dhe bashkëpunimin e vazhdueshëm të Republikës së Turqisë me Republikën e Kosovës.
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...