Me një atmosferë festive dhe me shumë buzëqeshje, Banka Ekonomike ka organizuar sot aktivitete të veçanta për fëmijët me rastin e Ditës Ndërkombëtare të Fëmijëve.

Të vegjlit që morën pjesë në këtë organizim u argëtuan me aktivitete të ndryshme, ndërsa nuk munguan as dhuratat dhe surprizat që sollën gëzim të madh për ta.

Arbër Kadrijaj nga Banka Ekonomike tha se një aktivitet i tillë mbahet për çdo vit dhe synimi i tyre është lumturia e fëmijëve.

Një nga momentet më të veçanta të aktivitetit ishte pikturimi i fytyrave të fëmijëve me figura dhe ngjyra të ndryshme, duke e bërë atmosferën edhe më të hareshme.

Ekipi i Arbresh.info ka sjellë pamje nga ky aktivitet i organizuar nga Banka Ekonomike, i cili synoi të sjellë gëzim dhe momente të bukura për fëmijët në ditën e tyre.

Dita Ndërkombëtare e Fëmijëve shënohet në mbarë botën për të rikujtuar rëndësinë e kujdesit, mbështetjes dhe të drejtave të fëmijëve në shoqëri.