Deputetja e Lidhjes Demokratike të Kosovës, Hykmete Bajrami, thotë se kryeministri, Ramush Haradinaj, ka shkelur parimet në rastin e shpronësimeve të tokave në Hade dhe Shipitullë, dhe në rastin e veteranëve të luftës.

“Sot kryeministri me pas qenë këtu, e kish ditë që po i shkel parimet,” është shprehur Bajrami, njëherit ish-ministre e Tregtisë dhe Industrisë në Qeverinë e Isa Mustafës.

Ajo ka drejtuar një varg kritikash në drejtim të kabinetit të Haradinajt, dhe parimet mbi programin e Qeverisë, në vazhdimin e seancës së jashtëzakonshme në të cilën do të debatohet lidhur me “Parimet programore të Qeverisë së Kosovës 2017-2021”.

“Ai nuk është bërë kryeministër se i ka fituar votat, por është bërë nga Lista Serbe,” është shprehur Bajrami.

/arbresh.info/