Zëvendësministri Bajram Gecaj ka deklaruar se Marko Gjuriqi i Serbisë po flet lidhje e palidhje për Kosovën

Gecaj po konsideron se Gjuriqi është rikthyer në rininë e tij të hershme, në kohën kur Serbia ushtronte gjenocid ndaj popullit shqiptar të Kosovës.

Sipas tij, Gjuriqi po bën filma sepse komunat e Kosovës me shumicë serbe kurrë nuk do të jenë pjesë e Serbisë.

Reagimi i tij i plotë:

GJURIQ “PO BËN FILMA”

Gjuriq duket të ketë probleme të mëdha brendapërbrenda strukturave të tyre politike… është qartë krejt kohëve të fundit! Flet lidhje e pa lidhje, sikur të ishte rikthyer në rininë e tij të hershme, atëherë kur shteti i tij ushtronte dhunën e nivelit gjenocidial në popullin shqipëtar të Kosovës. Ndoshta ka parë ndonjë “film” nga arkivat e tyre sekrete shtetërore dhe është ngazëllyer aq shumë sa ti kthehet ëndërrimit të asaj kohe. Sepse, kjo që ai bën këtyre ditëve, ne në popull i themi “po bën filma”. As Kosova, as Asociacioni, e as Komunat me shumicë Serbe, kurrë më nuk do të jenë pjesë të Serbisë. Ajo që ne po bëjmë tani në Bruksel është mu shkëputja dhe largimi definitiv i mbeturinave të atij sistemi nga vendi ynë. Dhe kjo duket se do të na merr edhe pak kohë, duke parë se Serbia ende nuk është liruar nga mentaliteti i së kaluarës dhe kursi i tyre nacionalo-shovenist. Megjithatë, “të mirat vijnë ngadalë”, thot populli.