AVONET njofton se ka monitoruar aktivitetin e prokurimit në Komunë e Prizrenit me titull: “Instalimi dhe riparimi i ndrçimit publik në lagjet Ortakoll, Bajram Curri, Tusus, Arbanë, Jeta e re, dhe në fshatrat Piranë, Zhur, Hoqë e qytetti e tjera lokalitete – Kontratë kornizë trevjeçare”, me nr prokurimit: 622-24-452-2-1-1, ku gjatë hulumtimit janë identifikuar se në dosjen e tenderit ka pasur kritere diskriminuese dhe poashtu të njejtat janë vendosur në paramasen e tenderit auditim të ndriçimit, e që për AVONET është shumë shqetësuese se si një implementues i projektit bënë realizimin e punimeve dhe bënë auditimin e këtij punimit.

Sipas njoftimit, në paramasen e projektit është bërë vlerësimi në kundërshtim me LIGJIN Nr. 04/L-042 PËR PROKURIMIN PUBLIK dhe në kundërshtim me Rregulloren nr. 001/2022 për Prokurimin Publik, ku Komisioni i vlerësimit të Ofertave të OE, ka kanë bërë vlerësimin e paramases duke e tejkaluar sasin e përqindjes në 110%, shkruan Arbresh.info.

“AVONET për gjatë monitorimit të aktivitetit të prokurimit kemi identifikuar rast ku Autoriteti Kontraktues tek çmimi për poentim ka ndarë pjesët sipas përqindjes:

❖ Pjesa 1 – 70%

❖ Pjesa 2 – 30% dhe

❖ Pjesa 3 – 10% … e që në total rezulton të jetë përqindja 110%”, thuhet në njoftim.

“Ndërsa në nenin 27.16 të Rregullores 001/2022 për Prokurimin Publik decidivisht parshihet që: “Autoriteti Kontraktues do të përcaktoj në Dosjen e Tenderit peshën (rëndësinë) e çmimeve të kategorive specifike, dhe do të artikuloj rëndësinë në përqindje (%). Përqindja (%) totale do të jetë 100%”.”, thuhet tutje.

“Andaj duke u bazuar në rastin konkret AVONET ju ka drejtuar KRPP-së për INTERPRETIM APO OPINION LIGJOR, ku AK ka vendosur këtë përqindje sipas kategorive (110% – në TOTAL)?”, njofton AVONET.

AVONET bën të ditur se komisioni Rregulativ i Prokurimit Publik, ka dhënë përgjigje me datën 13.08.2024: “AK ka për qëllim dhënien e kontratës publike kornizë me “çmime njësi”, AK në përputhje me nenin 27.16 të Rregullores Nr. 001/2022 për Prokurim Publik, do të përcaktojë në Dosjen e Tenderit peshën e çmimeve të kategorisë specifike në bazë të rëndësisë dhe përqindja totale nuk duhet të kaloj 100%.

Sipas njoftimit, komuna e Prizrenit ka nënshkruar kontratën publike kornizë me datën 16.05.2024 me Grup i Operatorëve Ekonomik LCE SH.P.K.; Sinco Group L.L.C., Rr.Ferid Curri Arbëri, Prishtinë dhe sipas përgjigjes në interpretim nga KRPP-ja, AK duhet të veproj në përputhje me nenin 62, paragrafin 1, nën paragrafn 1.1 dhe paragrafin 2, nën paragrafin të LPP-së dhe nenin 43 të Rregullores Nr. 001/2022 për Prokurimin Publike.

Pra, Autoritetit Kontraktues është dashur të veproj sipas nenit 62, të LPP-së (Ligjit të Prokurimit Publik) dhe nenit 43 të Rregullores Nr. 001/2022 për Prokurimin Publik, sepse ka kaluar çmimin për poentim mbi 100%, konkretisht sipas çmimit të poentuar del se vlera e përgjithshme e vlerësuar të jetë 110%.

AVONET ka kërkuar nga Kryetari i Komunës së Prizrenit, Shaqir Totaj që urgjentisht të ndërpres këtë kontratë, që sipas hulumtimit të AVONET-del se është në kundërshtim me LIGJIN Nr. 04/L-042 PËR PROKURIMIN PUBLIK NË REPUBLIKËN E KOSOVËS dhe të Rregullores Nr. 01/2022 për Prokurimin Publike.

“Kërkojmë nga Prokuroria e Shtetit të filloj hetime ndaj Komisionit për Vlerësimin e Dosjeve të Ofertave të OE, për faktin se ne dyshojmë se të njejtit me anë të veprimit të tyre kanë konsumuar apo plotësuar në tërësi figuren e veprës penale, të paraparë në neni 414 Keqpërdorimi i pozitës apo autoritetit zyrtar, të kodit penal të Kosovës.”, thuhet në njoftim./Arbresh.info/