Avdullah Hoti, kandidat për kryeministër nga radhët e LDK’së

13:10 | 16 Maj 2017
Arbresh.info

Lidhja Demokratike e Kosovës, ka vendosur që kandidat të kësaj partie për kryeministër ta ketë ministrin e deritashëm të Financave, Avdullah Hotin.

Kryetari i LDK-së, Isa Mustafa, gjatë një konference për media, ka thënë se kryesia e LDK’së ka vendosur që Avdullah Hoti të jetë kandidat për Kryeministër të Kosovës në zgjedhjet e parakohshëm që do të mbahen me 11 qershor.

“Sot e kishim mbledhjen e kryesisë. Biseduam disa çështje përgatitore si dhe për kandidatin për kryeministër të vendit. Kandidat do të jetë, Avdullah Hoti”, ka thënë Mustafa.

Avdullah Hoti:

“E kam marrë mbështetjen e plotë të LDK-së, parti e cila është themeluar nga Dr. Ibrahim Rugova. Pas dy vitesh e gjysmë të qeverisjes, LDK-ja vlerëson rezultatet e punës time si ministër. Besojë në kauzën tonë të përbashkët në parimet që i ka LDK-ja”, ka thënë Hoti./arbresh.info