Ashpërsimi i masave në mbrojtje nga Covid-19, ky është vendimi i Qeverisë

00:22 | 18 Qershor 2020
Trina Galanxhi

Me shtimin e numrit të të prekurve me Covid-19 në 24 orësh, sot u ashpërsuan masat për mbrojtje nga virusi.

Qeveria e Kosovës mori vendim që institucione publike dhe private me qëllim të parandalimit të përhapjes së koronavirusit ta reduktojnë stafin nëpër zyra.

”Me qëllim të parandalimit të përhapjes, IKSHP na ka rekomanduar dhe pas takimit me Komitetin që të gjitha institucionet Publike dhe private obligohen ta organizojnë punën në distancë fizike apo nga shtëpitë online, që nënkupton reduktimin e stafit”, u shpreh sot në mbledhjen e Qeverisë, Ministri i Shëndetësisë, Armend Zemaj.

Klan Kosova ka siguruar vendimin, për të cilin Ministri Armend Zemaj tha se hyn në fuqi që nga miratimi i tij nga Kryeminsitri Avdullah Hoti./kk/