Ad Banner
Ad Banner
Ad Banner
Ad Banner

Arrestohet një person në Merdarë, dyshohet për krime lufte në komunën e Vushtrrisë

18:18 | 17 Gusht 2025
E.G

Një person me iniciale S.S është arrestuar dhe është ndaluar për 48 orë nga Prokuroria Speciale nën dyshimin për krime lufte.

Sipas njoftimit, Policia e Kosovës, përkatësisht hetuesit policorë nga Drejtoria për Hetimin e Krimeve të Luftës, kanë arrestuar S.S., në pikën kufitare të Republikës së Kosovës me Serbinë në Merdare, dhe në bashkëpunim me Prokurorinë Speciale janë duke i ndërmarrë të gjitha veprimet e nevojshme hetimore, në përputhje me Kodin e Procedurës Penale, shkruan Arbresh.info.

Ai dyshohet se gjatë luftës së fundit në Kosovë, ka kryer veprën penale “Krime lufte kundër popullsisë civile” në Komunën e Vushtrrisë.

Brenda afatit të përcaktuar ligjor, ndaj S.S do të parashtrohet kërkesë për caktimin e masës së paraburgimit në Gjykatën Themelore në Prishtinë./Arbresh.info/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm