Policia e Kosovës ka ndaluar një person si të dyshuar për “armëmbajtje pa leje” në Ferizaj.

Sipas policisë, gjatë një kontrolli në fshatin Balaj, është identifikuar shtetasi E.K., 20 vjeç, tek i cili është gjetur një pistoletë me katër fishekë në çantën e dorës.

I dyshuari është shoqëruar në stacionin policor dhe është inicuar procedura për veprën penale “Mbajtja në pronësi, kontroll ose posedim të paautorizuar të armëve.”

Pas intervistimit, i dyshuari është liruar në procedurë të rregullt.

“Më datë 05.03.2025, rreth orës 23:25, ekipi i Njësisë së Reagimit të Shpejtë ka ndaluar një veturë të tipit Mercedes me targa vendore në fshatin Balaj. Automjetin e drejtonte shtetasi E.K., 20 vjeç. Gjatë kontrollit, tek i dyshuari, në çantën e dorës, është gjetur një armë zjarri (pistoletë) me katër fishekë.
I dyshuari është shoqëruar në stacionin policor, ndërsa arma është konfiskuar. Rasti është marrë në trajtim nga njësiti i hetimeve dhe në konsultim me prokurorin e shtetit, është iniciuar procedura për veprën penale “Mbajtja në pronësi, kontroll ose posedim të paautorizuar të armëve.”Pas intervistimit, i dyshuari është liruar në procedurë të rregullt”, thuhet në njoftim./Arbresh.info