Arrestohet 24-vjeçarja në Prishtinë e dyshuar për keqpërdorim të kartelave bankare

13:48 | 25 Shtator 2025
E.H

Drejtoria e Policisë së Kryeqytetit ka arrestuar një person të dyshuar për disa raste të keqpërdorimit të kartelave bankare, pas një pune të suksesshme hetimore dhe operative nga Njësiti i Hetimeve.

E dyshuara A.G., 24 vjeç, është ndaluar në koordinim me Prokurorinë, dhe ndaj saj është iniciuar procedurë penale për veprën “Lëshimi i çeqeve pa mbulesë ose të rremë dhe keqpërdorimi i kartelave të bankës apo të kreditit”.

“Policia e Kosovës mbetet e përkushtuar në luftimin e veprimtarive kriminale dhe sjelljen para organeve të drejtësisë së personave të dyshuar dhe njëkohësisht fton qytetarët që të kenë kujdes të shtuar në mbrojtjen e të dhënave personale e bankare”, thuhet në njoftim./Arbresh.info