Ministri i Shëndetësisë, Armend Zemaj, sot gjatë ditës do të dorëzojë në Qeverinë e Kosovës kërkesën që katër komunat e pjesës Veriore të Kosovës të trajtohen me prioritet.

Arbresh.info nga burimet brenda Qeverisë merr vesh se në Komunën e Mitrovicës së veriut, Zubin Potokut, Leposavicit dhe Zveçanit, do të vendosen masat e reja nga qeveria e Kosovës sipas kërkesës së ministrit të Shëndetësisë.

Kjo kërkesë e ministrit, Armend Zemjat, vjen pas shtimit të rasteve me rezultat pozitiv me Covid-19.

Sipas burimeve të Arbresh.info, ky vendim do të propozohet nga ministri i Shëndetësisë, Armend Zemaj.

Instituti Kombëtar i Shëndetësisë Publike të Kosovës ka bërë vlerësimin në katër komunat veriore të Kosovës me shumicë serbe.

Në gjithë territorin e Republikës së Kosovës do të vendosen dhe zbatohen masat sipas qeverisë së Kosovës dhe se asnjë masë tjetër nuk do të zbatohet./Arbresh.info/