Arkeologjia Kosovë-Gjermani

08:05 | 27 Shtator 2015
M. A.

Zëvendësministri i Kulturës, Rinisë dhe Sportit, Rexhep Hoti ka pritur në takim prof. dr. Friedrich Lüth, Drejtor për Çështje të Trashëgimisë Kulturore në Institutit e Arkeologjisë të Gjermanisë.

Qëllimi i vizitës së prof. Lüth dhe temë diskutimi e takimit ishte vlerësimi i bashkëpunimit të deritashëm dhe thellimi i tij në kuadër të partneritetit mes Kosovës dhe Gjermanisë në fushën e arkeologjisë.

Zëvendësministri Hoti u njoftua nga dr. Lüth për të arriturat e deritashme në fushën e bashkëpunimit të arkeologjisë me theks të veçantë, në lokalitetin antik të Ulpianës, ku në vitin e fundit ka pasur përparime të dukshme.

Profesori gjerman e informoi Hotin se po e përgatit raportin e punës 2009 – 2012 për bashkëpunimin që kanë pasur me Institutin e Arkeologjisë të Kosovës, pasi që në këtë drejtim ka qenë e nënshkruar edhe një memorandum për bashkëpunim në vitin 2009.