Ambasadori i Britanisë së Madhe në Kosovë, Jonathan Hargreaves ka mirëpritur vendimin e Qeverisë së Kosovës për zbatimin e vendimit të Gjykatës Kushtetuese për tokat e Manastirit të Deçanit.

Me anë të  një postimi në “X”, Hargreaves ka thënë se ky vendim i Qeverisë së Kosovës dëshmon guximin politik dhe përkushtimin e saj për sundimin e ligjit, shkruan Arbresh.info.

“E mirëpres vendimin e Qeverisë së Kosovës për zbatimin e vendimit të Gjykatës Kushtetuese për Manastirin e Deçanit, i cili dëshmon guximin politik dhe përkushtimin e saj për sundimin e ligjit”, ka shkruar ai.

I welcome the Government of Kosovo’s decision to implement the Constitutional Court decision on the Decan monastery, which demonstrates political courage and its commitment to the rule of law.

— Jonathan Hargreaves (@jonhargreaves67) March 13, 2024

Ndryshe, sot Kryeministri i Kosovës, Albin Kurti ka njoftuar se i ka kërkuar Agjencionit Kadastral të Kosovës që ta zbatojë vendimin e Gjykatës Kushtetuese lidhur me pronat rreth Manastirit të Deçanit.

Kryeministri tha se këtë vendim e ka marrë për ta hequr si kusht për pranimin e Kosovës në Këshill të Evropës./Arbresh.info/

LEXO EDHE:

Kurti njofton se i ka kërkuar Agjencisë Kadastrale ta regjistrojë pronën Manastirit të Deçanit, sipas aktgjykimit të Kushtetueses