Kryetari i Lëvizjes Vetëvendosje, Alvin Kurti ka thënë se opozitës i është shtuar një armik i ri, e që është mërgata.

Në fjalën e tij të rastit pas nominimit për kryeministër, Kurti tha se PDK, LDK e AAK e kundërshtuan mbajtjen e zgjedhjeve më 28 nëntor, vetëm që mërgata mos të votoj, shkruan Arbresh.info.

“LVV vazhdon me qenë e para por beteja nuk është midis subjekteve por të gjithë ata bashkë kundër neve. Qëndruan 10 muaj bashkë për ta pamundësuar qeverisjen e VV-së, nuk e pranuan një Qeveri Kurti 3, nuk e pranuan Qeverinë Konjufca 1. Tani që refuzuan bashkëpunimin me neve dhe e luftuan edhe themelimin e vendit, beteja e tyre e ka gjetur duket një armik të ri, e kjo është mërgata jonë”, tha Kurti.

“Dhe kjo luftë ndaj tyre nuk ka filluar sot. Në zgjedhjet e kaluara kemi dëshmuar se ka parregullsi dhe manipulime të votave me postë, por që Prokuroria nuk është marr me asnjëherë me të. Në takimin tonë për caktimin e datës, të gjithë një zëri e kundërshtuan 28 dhjetorin. Dëshironin që mërgata të mos votoj”, tha tutje Kurti.

“Si mund të jesh i gëzuar që nuk po voton ai i cili e ka lënë vendlindjen jo nga qejfi por nga zori. Kjo është për shkak të frikës që e kanë nga mërgata”, tha Kurti./Arbresh.info

LEXO EDHE:

Konjufca me akuza ndaj opozitës: Ata vetën duan të bllokojnë gjithçka, ashtu që bllokimi i shtetit të duket si dobësim i VV-së