Nënkryetari i Lëvizjes Vetëvendosje, Glauk Konjufca ka akuzuar opozitën për bllokim të qëllimshëm të shtetit, me tendencën që të dal keq kryeministri në detyrë, Albin Kurti.

Në mbledhjen e Këshillit të Përgjithshëm të LVV-së, Konjufca tha se opozita janë në gjendje të shkojnë edhe në humnerë, vetëm që ta dështojnë Albin Kurtin, shkruan Arbresh.info.

“Ata vetën duan të bllokojnë gjithçka, ashtu që bllokimi i shtetit të duket si dobësim i VV-së. Kjo është agjendë tejet e dëmshme, dhe do ta quaja antishtetërore. Për këtë qëllim ata janë në gjendje të shkojnë edhe në humnerë. Edhe nëse nuk ka buxhet, e paga për popullin, nuk ka lidhje thonë ata, me rëndësi Albin Kurti me dështu. Me sakrifiku shtetin që Albini me dalë keq. Shkurtpamësi e mjerueshme dhe e paparë”, tha Konjufca.

Në këtë mbledhje, Konjufca ka propozuar Albin Kurtin kandidat për kryeministër në zgjedhjet e 28 dhjetorit./Arbresh.info