Këshilli Gjyqësor i Kosovës (KGJK) dhe Këshilli Prokurorial i Kosovës (KPK) kanë mbajtur takim të përbashkët.

Kryetari i Këshillit Gjyqësor të Kosovës, Nehat Idrizi ka thënë se kur kanë biseduar për ligjin për paga kanë kërkuar trajtim të barabartë me ekzekutivin.

Kryetari i Këshillit Prokurorial të Kosovës, Bahri Hyseni ka thënë se në hartimin e dokumentit për shërbimin civil ne kemi qenë ta gjithë që ta ruajmë statusin e shërbyesve civil.

“Kemi kërkuar ta kemi status të veçanta për shkak të çështjes së përgjegjësive. Në komisionin për legjislacion kemi kërkuar te respektohet ai koncept dokument sepse ka qenë i të gjithë përfaqësuesve të drejtësisë përfshirë administratën dhe sindikatën. Ligji aktual që do të dërgohet në Kuvend nuk e ka njohur këtë status dhe iu ka njohur status të veçante kategorive që janë pjesë ekzekutive që janë pjesë e qeverisë apo institucioneve të Kosovës por jo edhe neve. Ne kemi dërguar shkresë për këtë dhe nga bisedimet që i ka pasur administrata janë pajtuar me administratën publike që ai ka qenë udhëzim dhe ne do të duhej ta unifikojmë shërbimin civil brenda këtu sepse ata nuk e kanë fituar lehtë këtë status. Mendoj që nëse pajtoheni t’iu drejtohemi me një letër që të kërkojmë që nëse dikujt i njihet statusi i veçante në shërbimin civil atëherë do të duhej ti njihej administratës sonë sepse jemi pushtet i katërt. Nëse dikujt si njihet atëherë edhe ne e lëmë kështu”, ka thënë ai.

Kryesuesi i KGJK-së , Nehat Idrizi ka thënë se administrata ka paralajmëruar bojkot ta punës.

“Sindikata e administratës kërkojnë ngritje të pagës. Edhe ata e kanë paralajmëruar një lloj bllokade nëse nuk u rritet paga. Shpresoj që të ndodh kjo me ligjin për paga që të mos ndodh kjo”, ka thënë ai./arbresh.info/

https://www.facebook.com/arbresh.info/videos/357113358460018/?notif_id=1548244164270990&notif_t=live_video_explicit