Kryesuesi i seancës, Adem Mikullovci, së bashku me sekretarin e Kuvendit të Kosovës, Ismet Krasniqi, të parët kanë hyrë në sallën plenare.

Tashmë po hyjnë edhe deputetët e Lëvizjes Vetëvendosje dhe ata të LDK-së.

Këta të fundit kanë patur një mbledhje  me liderin, Isa Mustafa, në selinë qëndrore para se të shkonin në Kuvend.

Sot vazhdon seanca konstituvie e Kuvendit të Kosovës me të vetmën pikë të rendit të ditës “Zgjedhja e Kryetarit të Kuvendit dhe nënkryetarëve të Kuvendit”, shkruan arbresh.info.

Pjesëmarrjen në këtë seancë e kanë konfirmuar deputetët e Lëvizjes Vetëvendosje dhe koalicionit LDK-AKR, por nuk dihet nëse edhe minoritetet do të jenë aty.

Një ditë më parë, në takimin konsultativ, deputetët minoritarë e shihnin të panevojshme mbajtjen e seancës së sotme meqë nuk do të marrin pjesë deputetët e koalicionit PAN.

Përjashtim nga ky koalicion është Milaim Zeka, i cili ka qenë i pranishëm edhe në vazhdimin e javës së kaluar kur PAN-i nuk u kthye edhe pas pauzës së kërkuar nga vetë ata./arbresh.info/

https://www.facebook.com/arbresh.info/videos/1507267166005037/