Deputeti nga radhët e AAK-së Gazmend Abrashi, ka mbajtur konferencë për medie rreth situatës emergjente në ekonomi si pasojë e pandemisë së Coronavirusit.

Abrashi tha se secili qytetarë duhet ta ndjejë doren e shtetit andaj “ne si AAK propozojmë që të ndahen si mbështjetje e menjhëhershme për secilin qytetarë të Kosovës nga 100 euro”.

“Masat e propozuara nga Qeveria nuk mjaftojn dhe implementimi po shkon shumë ngadal dhe është i ngarkuar me procedura dhe paqartesi qe edhe më shumë do të shkaktojë vonesa e qe do të ndikoj në rritjen e pasigurisë ekonomike”.

“Ne keto masa nuk janë përfshi edhe shumë kategori si puntoret pa kontrata, ekonomitë e vogla familjare e te vetëpunesuarit e paregjistruar, nënat vetëushqyese që varen nga alimentacioni, familjet qe jetojnë nga remitencat, te cilat sot janë ne pikepytje”.

“Si kurr më pare, secili qytetarë duhet ta ndjejë doren e shtetit andaj ne si AAK propozojmë që të ndahen si mbështjetje e menjhëhershme për secilin qytetarë të Kosovës nga 100 euro”.

“Nga përllogarritjet e bëra vlera e kësaj mbeshteteje do të ishte rreth 170 milionë euro, dhe keto mjete të sigurohen sa më shpejtë”.

“Kuvendi i Kosovës duhet të bëjë urgjent rishikimin e buxhetit dhe rialokimin e mjeteve duke ndjekur nevojat aktuale në sinkronizim me kryetaret e komunave të vendit”.

“Borxhi publik i Kosovës është në nivelin më të ulet ne krahadim me vendet e Ballkanit Perëndimor, prandaj rritja e ketij buxheti duhet parë si një mundesi që të sigurojmë mbështetjen financiare të qytetarëve dhe bizneseve”.

“Pakoja Emergjente e Qeverisë së Kosovës për ndihmes në përballimin në pasojat e pandomisë në vlerë rreth 170 milionë euro është e pamjaftueshme”.

“Kosovës i duhet një plane ekonomike i qartë dhe efektivë i hartuar nga një Task Force kompetente i cili sugurinë ruajtjen e sektorit pirvat. Të sigurohet një fond shtesë se paku 300 MIL euro”.

“Këto mjete janë mëse e domosdoshme duke pasur parasyshë qe pritet rënia e remitencave të diaspores me mëse 500 MIL EUR, si rezultat i pandomisë botërore”.

“Ne si AAK e shohim te nevojshme mbledhjen e Kuvendit të Kosovës, për të adresuar masat qe duhet ndermarr per të mbrojtur rreth 320,000 punëtorët e sektorit privat dhe rreth 80, 000 në sektorin publik, 69,500 biznese aktive, qe sot po ballafaqohen me vështirësi të medha”, tha ai./arbresh.info/