Policia e Kosovës është sulmuar dje në Leposaviq nga një person që dyshohet se po barte 11 migrantë.

Gjatë kontrollës së veturës , Policia ka hasur në 11 persona migrantë, teksa njëri nga të dyshuarit ka zbritur nga makina dhe është nisur të largohet vrullshëm duke i rrezikuar policët dhe më pas iu është dashur të shtënë me armë zjarri, shkruan Arbresh.info.

Në vendin e ngjarjes, Policia si prova materiale ka gjetur dhe konfiskuar 11 gëzhoja.

“Leposaviq 08.11.2023 – 01:00. Policia ka ndaluar të dyshuarin mashkull kosovar, ku gjatë kontrollit në veturë i janë hasur 11 persona migrantë, po i njëjti pasi i ka zbritur migrantët me veturën e tij është larguar vrullshëm me ç’rast i ka rrezikuar zyrtarët policorë, të cilët për ta ndaluar sulmin kanë shtënë me armë zjarri në drejtim të dyshuarit. Në vendin e ngjarjes si prova materiale janë gjetur dhe konfiskuar 11 gëzhoja. Rasti në procedurë hetimore nga te gjitha njesitet relevante”, thuhet në njoftim./Arbresh.info/

LEXO EDHE LINKUN:

Të dyshuarit për kontrabandim me emigrantë tentojnë ta sulmojnë policinë në Leposaviq