Qeveria e Republikës së Kosovës ka mbajtur sot mbledhje elektronike në të cilën ka marrë disa vendime.

Sipas njoftimit, në mesin e tyre ëshët edhe emërimi i Arton Mehmetit në pozitën e kryesuesit të Bordit të KEK-ut ndërsa Skënder Hazirin në pozitën e anëtarit, shkruan Arbresh.info.

Gjatë kësaj mbledhje është miratuar edhe vendimi për shpronësim të paluajtshme të cilat preken nga realizimi i projektit “Zgjerimi i Rrugës Rajonale Prizren-Prevallë”.

“Miratuar vendimin për shpronësim të pronave të paluajtshme të cilat preken nga realizimi i Projektit: ‘Zgjerimi i Rrugës Rajonale, R 115 Doganaj-Shtërpcë’ Zonat Kadastrale: Viqë dhe Drekoc, Komuna Shtërpcë”, thuhet tutje në njoftim.

Kujtojmë që kryeshefi i pezulluar të Korporatës Energjetike të Kosovës (KEK) Nagip Krasniqi ka qenë në paraburgim nën dyshimin për kryerjen e veprave penale “keqpërdorim të pozitës apo autoritetet zyrtar”, “ushtrim të ndikimit” dhe “konflikt të interesit”.

Ai është liruar në shtator me kërkesë të Prokurorisë Speciale./Arbresh.info/

Lexo edhe:

LAJMI I FUNDIT/ Me kërkesë të Prokurorisë Speciale, Nagip Krasniqi lirohet nga paraburgimi