Deputetja e Vetëvendosjes Albulena Haxhiu në një konferencë për medie ka thënë se si Vetëvendosje nuk do të ndalen deri sa vendimi i Qeverisë për rritje të pagave të shfuqizohet, shkruan arbresh.info.

“Ne nuk do të ndalemi derisa  vendimi i padrejtë të zhbëhet”, ka thënë ajo.

Ajo ka thënë se ky veprim i kryeministri Ramush Haradinaj përpos që është jo legjitim është edhe jo kushtetues dhe nuk është në përputhje me gjendjen socio-ekonomike të vendit.

Haxhiu, i ka bërë thirrje Agjencisë Kundër Korrupsion që të ngris kallëzime penale

“AKK të premten e kaluar ka dhënë opinionin e tij se vendimi është i kundërligjshëm dhe ne i bëjmë thirrje që të bëjë kallëzime penale për personat që e kanë bërë këtë dhe për ata që  e kanë votuar”, ka deklaruar Haxhiu.

“Nëse Qeveria ka qenë e interesuar për rritje të pagave pse këtë nuk e paraqit në mënyrë të ligjshme në buxhetin e Kosovës. Ne nuk e kundërshtojmë rritjen e pagave për prokurorët dhe gjyqtarët”, ka thënë ajo.

Ajo ka deklaruar se sipas informacioneve që i kanë në kohën kur është marrë ky vendim qeveria nuk ka qenë fare në dijeni që do të rriten pagat e prokurorëve dhe gjyqtarëve.

“Është e qartë që ne si subjekt politik kemi pritur që ky vendim menjëherë të shfuqizohet sidomos pas opinionit të AKK-së. Presim që s amë parë kjo çështje të radhitet si pikë e rendit të ditës, unë kam parë edhe përfaqësues të tjerë që e kanë kundërshtuar këtë vendim por shpresoj së nuk do të ketë presion mbi deputetë si herëve të tjera që ata të votojnë kundër vullnetit të tyre”, ka thënë ajo.