Gjendje e rëndë në Deçan, fluksi i qytetarëve që kërkojnë ndihmë është i madh

12:24 | 13 Korrik 2021

Gjendja vazhdon të jetë shqetësuese në Komunë e Deçanit thotë Adem Lushaj nga shoqëria civile në këtë komunë.

Në një prononcim për portalin arbresh.info Lushaj tha se ka një numër të madh të qytetarëve që po i drejtohen qendrës së mjekësisë familjare në Deçan.

“Gjendja vazhdon të jetë shqetësuese sepse fluksi i qytetarëve  që po kërkojnë ndihmën në Qendrën e mjekësisë familjare është i madh. Kuptohet është edhe moti i nxehtë por edhe në kushtet që vepron QKMF është pak vështirë me ju dal në ndihmë të gjithë qytetarëve që kërkojnë ndihmë.

Banorët e 11 fshatrave që furnizohen nga ai ujësjellës janë të gjithë me ankesa, tha Lushaj.

Sa i përket dyshimeve të para se helmim ka ardhur nga uji i pijshëm në këtë komunë, Lushaj tha se të gjithë banorët që kanë konsumuar atë ujë kanë ankesat e njëjta.

Por., sipas tij gjasat që në bazenin akumulues të ujit janë të vogla që të hidhet ndonjë gjë pasi që ai është i mbyllur.

“Nuk mund të themi se ka rënë diçka në bazenin akumulues sepse bazeni është i mbuluar e i mbyllur dhe nuk ka gjasa me ra gjë aty. Para 1 muaji ankesa për helmim kanë ardhur edhe nga disa fshatra tjerë  të Deçanit. Kryetari ka arsye nëse mendon se dyshon për shkaqe. Por arsyet e para ne themi nga uji por po ia lëmë në dorë prokurorisë”, deklaroi ai.

Shtabi emergjent në komunën e Deçanit është duke u munduar të menaxhoj situatën dhe gjetjen në kërkim të shkaqeve se pse ka ardh deri këtu gjendja.

Para pak çasteve edhe kryetari i komunës, Bashkim Ramosaj shpalli gjendje emergjente në Deçan./arbresh.info/

Shpërndaje në rrjete sociale

Lajmet më të lexuara