Ministrja e Arsimit, Shkencës dhe Teknologjisë, Arbërie Nagavci, ka bërë të ditur se 1.489

mësimdhënës janë të prekur nga Covid-19, 187 individë janë personel tjetër, si dhe 6,684 nxënës që janë pozitiv dhe janë të izoluar”.
Ajo këtë e ka bërë të ditur në seancën e Kuvendit të Kosovës.

“Për më shumë në ministri i pranojmë raportet ditore për situatën, në bazë të raportit të ditë së sotme, nga 775 institucione edukative arsimore, janë 90 shkolla që punojnë sipas skenarit C. Ndërsa sa i përket rasteve aktive, 1,489 mësimdhënës janë pozitivë me COVID-19, 187 individë janë personel tjetër, si dhe 6,684 nxënës që janë pozitiv dhe janë të izoluar”, tha ajo.

Ajo ka theksuar se gjatë tërë kohës kanë punuar që të ketë menaxhim të pandemisë.

“Ministria e Arsimit, Shkencës dhe Teknologjisë ka ndërmarrë veprime konkrete që mësimi të zhvillohet në të gjitha nivelet sipas kushteve dhe respektimit të masave të vendosura nga IKSHPK, po ashtu edhe duke i respektuar të gjitha vendimet e Qeverisë së Kosovës”, ka thënë Nagavci./arbresh.info/