Ky do të jetë moti për ditën e shtunë në Kosovë

19:23 | 31 Janar 2020
Arditë Shkodra

Të shtunën në vend do të mbajë mot me vranësira të shpërndara dhe me diell, bën të ditur Instituti Hidrometeorologjik i Kosovës.

Sipas IHMK’së, nuk parashihen reshje të asnjë forme – në mëngjesin e së premtes pritet të ketë ngrica të dobëta dhe mjegull në ultësira dhe rreth lumenjve.

Në fushat barike pritet të ketë rënie, deri sa në ato termike parashihen ngritje, njofton instituti.

IHMK’ja parashikon se temperaturat minimale do të lëvizin ndërmjet -2 deri 2 gradë Celsius, ndërsa maksimalet e ditës parashihen të lëvizin ndërmjet 8-13 gradë Celsius.

Sipas institutit, do të fryjë erë e lehtë deri mesatare nga drejtimi i verilindjes dhe jugperëndimit.

“Sa i përket kushteve biometeorologjike, ato paraqiten relativisht të favorshme, kurse reshje shiu dhe bore sipas parashikimeve numerike priten me datë 5 eventualisht 6 shkurt”, njofton IHMK’ja.